BABAD CUCU DEWA GEDONG ARTHA : DEWA MANGGIS KUNING

BABAD DEWA MANGGIS

OM SWASTYASTU, OM AWIGNAMASTU NAMA SIWAYA NAMAH,

            AKSMAKNA ULUN RI BUKPADANTA HYANG MAMI, APAN KITA UWUS AMOR ING ACINTYA LAWAN SIRA HYANG SUKSMA GINELAR MARENG SARINING ONGKARA PINGIT, OMKARA MANTRAM DENING SIRA SANG YOGISWARA, SIRA ANUGRAHANA WAKYA PURWA RI SANG HUWUS LEPAS.

OM SARASWATYA DEWI NAMA SWAHA, OM SIWA DEWA NAMA NAMAH, YA TA SEMBAH NGHULUN LAMAKANE SIDDHA ANUGRAHA, SAHA SIDDHA TAN KACAKRA BAWA, MUANG KENENG UPADRAWA APAN HULUN KADI PRASANGGA AMIDARTAAKNA RI PRATISENTANA KABEH.

OM SARWA PAPA KLESA, WIGNA WINOSANAM NAMAH SWAHA, LAMAKANE NGHULUN SIDDHA SUDAMALA DENING MALA PATAKA, PRAYOJANANINGHULUN TAN NAHA WANEH ANGLIMBAKANG SASTROTAMA LAMAKANE KINAWERUHAN DENING PRATISETANA KABEH, MOGI SIDDHA SIRA ANUGRAHA HULUN KADIRGAYUSAN MUANG JAGADHITA.

RI PURWA KALA HANA DETYA MAWISESA TAN PATANDINGAN DENING NUGRAHA DE SIRA HYANG RUDRA YA TA MATANGYAN TAN HANA SIDA ANGASORAKENA, KRURA KARA ASYUNG ADANGSTRA TIKSNA, ANGAMAH NGAMAH KADI TRAPNING DANAWA LOBHA, MOHA MURKA, NINDENG SASTRA PRAMADA HAYU, CINACAD IKANG SARWA TATWENG ATITA. YA TA BINARJA DE HYANG PURUSA, HUTAKANTEP RI PUPUT IKANG KASMALA, AMANTUK MARENG SWARGA. UWUS PUPUT PINALIKANIRA, RING AYATANA STANA TINUDUH DENING HYANG ANJADMA MARENG MADYA LOKA, LINUGRAHA SEKAMA, KAMA, ARDHANARESWARI PWA SIRA METU, SINUKSMA RITATA KELAPA PINUTUR DENING PEDANG, WUS PINALI PALI, BINRESIHAN, SAPRAPTA RI PARSWANING TOHLANGKIR, AGANTI PWA SIRA SAPUJASTAWA, RI STULANIRA SANG JUMENENG, MARENG BHULADWIPA, MANGARAN : SRI MASULA MASULI, WINIWAHA PWA SIRA RI SANG ARI, GENEP RI YOGANIRA, SAPTA GUMANTI, SAMANGKANA TA RI PAMIJILANIRA, PADA MUKSA TA SIRA RI ANATARALAYA, WEKASAN METU SAWIJI, NIRMUKSA SIRA, APAN ANGALAP PADA WANG PWA SIRA, MATANGYAN SIRA MANGARAN TAPOLUNG.

            WETNING KALI YUGA, RATU AMUKA MEDA, UWUS KALOKA MARENG PURANTARA, RI KASUSAKTINIRA MWAH SRI GAJAH WAHANA NAMANIRA, WETNING HERAWANA PAKENANYA. WUS MANGKANA CARITANEA MANGKE SIRA PRABU BEDA ULU, SIRA ANDIRYENG MAJALANGU, WITNING WICITRANIRA RAKRYAN PATIH GAJAH MADA, ANGLEPASAKEN OPAYA SANDI, MANGARAN AJI SUKSMAN KAJANARDANAN, NDYA TA MAKA PANGOPAMA,????

RI KARISTAHANIRA KEBO IWA, MUAH KEBO WARUWA/KEBO TARUNA, RINGUNI, JUGA RIKALA RI PANJARANIRA PATIH BALI KRYAN PASUNG GRIGIS, HOYENG TANGKULAK YA TA MATANGNYAN SIRNA SIRA RATU BEDHA ULU. DENING SAKTINIRA ARYA DAMAR/KENCENG. SIDDHI MANDI LUMAPASAKEN MANIK SEKECAP.

CARITANEN MANGKE RITUNGKUL SIRA PASAUNG RIGIH/GRIGIS, WIRYA TA SIRA SRI DALEM KALA GEMET. TINUT INUGRO SKARYANING MANTRI, MANGGEH DEMAK DADHAR IRA MADA, RI TEMBENIKA, TANDWA INGADU TA SIRA AMRANGI SANG WERDHA MANGARAN PRABU DEDELA NATHA HANENG SUMBAWA.

TADANANTRA TAN WARNANEM IKANG LAGA, APAN PADA SAKTI, PADA PURUSA  MARENG YUDHA, TANDULI SINAPIH DENING HYANG TITAH, PADA MESAT IKANG ATMA, PEJATI MAKARUA, UMANTUKENG HARILOKA, APAN MANGKANA TINEMU DENING SIRA PURUSENG YUDHA. 

KUNANG SRI AJI BEDHA ULU NGUNI, SIRA HUWUS WARANA APUI, YA TA SUNYA, TISTIS, IKANG BALI PULINA, MALIWER PADA SAKTI DEWEK LINGNYA, TAN IDEP KASOR DENING ROWANGNYA, DADYA MANASTAPA SIRA, RAKYAN MAPATIH MADA, TUMON BALI RAJYA TANPA SASANA, DENING TAN HANA PINAKA MANGGALANING RAT BALI.

HANA TAN SIRA BRAHMANA DANGHYANG KEPAKISAN PUSPATANIRA, YA TA KINON DENING SIRA PRABU MAJAPAHIT LAMAKANE SIDA ANGATURAKEN PUTROPADANA, SIRA KRYAN MADE TINITAH LAMAKANE AMATUR RI SIRA BRAHMANA KEPAKISAN. YA TA MATANGYAN SIRA ANGELARAKEN TAPA YOGA SEMADI MARENG ALAS MERTA SARI MARENG YAWA WETAN, YA TA MANGGEH CUDAMANYAN SIRA MADHA, LAMAKANE SIRA BRAHMANA KEPAKISAN SIDDHA ANGAWE PUTRA TAN KASORING PRANG, MATANGYAN SIRA AMUJA NGASTAWA MANULAWE SIRA HYANG ARI, TANDULI DATENG SIRA PUTUNING HYANG INDRA MARUPA WIDYADARI, MAHYUN ANGODA MAMIGNA TAPANIKANG DANG HYANG KEPAKISAN, PINAKA WANA HYANG WISNU MANGJADMA, APAN AJERIH SIRA BAGAWAN KINAWESAKEN DENING WISA, MATEMAHAN SIRA ANAPA WIDYADARI, LAMAKANE SIDA MANADI WATU, NGKANA SIRA DANG HYANG KEPAKSIAN ANGELARAKEN SARWA SANDI, MANTRA, SIDDA SEKAMA, KAMA, MATANGYAN RIWEKASAN METU KANG RARE SAKING WATU.

MANGARAN SIRA : WANG BANG KRESNA KEPAKISAN YA TA RIWEKASAN ANGADAKAKEN PARA SINATRIA BALI. MAPUTRA SIRA CATUR : DALEM PASURUAN, DALEM BLAMBANGAN, SRI DEWI KRESNA KEPAKISAN STRI ANENG SUMBAAWA, DALEM KETUT SRI KRESNA KEPAKISAN HANENG BAHULA DWIPA. INIRING DENING PARA ARYA HANA MARAENG JAGAT SAMPRANGAN, SAMPLANGAN KADI MANGKE. YA TA ANGAMBEL IKANG RAT ALI.HANA PUTRANIRA : DALEM AGRA SAMPRANGAN, DALEM TARUKAN, DALEM KETUT NGULESIR, MWAH DALEM TEGAL BESUNG. RI UWUS SIRA DALEM SRI KRESNA KEPAKISAN ANGAWA IKANG RAT BALI APAN AMORING ACINTYA LAWANSIRA HYANG SUKSMA, GINANTIAKEN DENING PUTRANIRA SIRA DALEM AGRA SAMPRANGAN, KUNANG APAN TATAN HANA METU RI PASAMUAN, ONENG MAHYAS YA TA KARANANIA OSAH PARA PATIH MUANG TANDA MANTRANIRA, MATANGYAN MAHYUN ANGAMET ARINIRA SIRA DALEM KETUT NGULESIR MARENG DESA PANDAK TABANAN, SUWE JUGA SIRA TATAN MAHYUN, KUNANG DENING SIRA GUSTI PATIH KEBO TUBUH MATANGYAN SIRA MAHYUN ALUNGGUH MARENG SWECAPURA MANGARAN SIRA DALEM SRI SEMARA KEPAKISAN JENEK MARENG GELGEL PURI, MATANGYAN RIKALA NGKANA ANAKIRA SAKING GUSTI AYU SEBITA MANGARAN DEWA SENGGAMA, MENADI DEWA PEKANDELAN. KERTA RAHARJA  IKANG RAT, PRASAMA BAKTI RISIRA APAN KADI HYANG HARI PRABAWANIRA HANA ANAKIRA MANGARAN DALEM SRI WATURENGGONG, RIUWUSAN LEPAS SIRA MARENG SUNYATA, ANAKIRA MANADI RATUNING RAT BALI. JUGA TAN KIRANG PRABAWANIRA APAN KADI HYANG WISNU MARENG RAT. SRI WATURENGGONG SIDHA ANGAWA IKANG RAT LOMBOK, BLAMBANGAN, PASURUHAN, SUMBAWA, MUAH JAGAT BUTON, MATANGYAN SAMUA TAN HANA WANI RISIRA. HANA ANAKIRA MANGARAN DALEM SAGENING YA TA MANGKE WARNANEN APAN SIRA HANA ANAKIRA MAKWEH, JUGA STRINIRA MAKWEH SATAK PITUNG DASA, SILIH SINUNGGIL ANAKIRA MANGARAN DEWA MANGGIS, PATEMUANING LAWAN SIRA DEWA AYU GEDONG PUTUNIRA DEWA GEDONG ARTHA, PINAKA PUTRA DENING SIRA DEWA ANOM PANDE. YA TA MANGADAKAKEN PRATISENTANAN DEWA MANGGIS KUNING.

YEKI CARITANYA. MUR PWA SIRA AJI DALEM BEKUNG, GUMANTI TA DENING DEWA SAGENING, MUAH DALEM SAGENING, SAH LUMRAH PRABANING AMUKTI APAN SIRA WIDAGDENG NAYA. SAPANYANENG DALEM SAGENING, KRETA IKANG RAT, RABINE DALEM SAGENING JUMENEK MARENG GELGEL, ANAGALAP RABI STRIENG NYALIAN, MAPUTRA I DEWA BUDI, HANA MANGKE HANENG PEJENG, DEWA PACEKAN HANA MARENG SUKAWATI, DEWA BUKIAN JUMENENG RING PELIATAN, DEWA GIANYAR JUMENENG MARENG PAYANGAN, DEWA TAMPUAGAN JUMENENG MARENG TAMPAKSIRING, DEWA NYAMBU RING UBUD, MUAH HANA PUTRANIRA KADI MARENG SOR:

1. DALEM PAMAHYUN, 2. DEWA DIMADE, 3. DEWA RANI GWANG 4. DEWA KARANGASEM, 5. DEWA CAU, 6. DEWA BLAYU, 7. DEWA SUMERTA, 8. DEWA PEMREGAN, 9. DEWA LEBAH, 10. DEWA SIDAN, 11. DEWA KABETA, 12. DEWA PESAWAHAN, 13. DEWA KULIT, 14. DEWA BEDUHULU, 15. DEWA MANGGIS, 16. KI BARAK PANJI, MAIBU SAKING LUH PASEK SAKING PANJI. YA TA MANGARAN KYAI AGUNG ANGLURAH PANJI SAKTI.

MANGKE MWAH WALININ IKANG CARITA SIRA DALEM TEGAL BESUNG, ANAKIRA LOMANG DIRI :

DEWA GEDONG ARTHA, DEWA NUSA, DEWA BANGLI, DEWA ANGGUNGAN, DEWA PENGEDANGAN,

DEWA GEDONG ARTHA MAKANAK: DEWA KALAER HANA MARENG KAMASAN, DEWA KARANG HANA MAREANG GELGEL. DEWA TIMBUL GUNUNG MARENG LEBIH, DEWA DUURAN HANA MARENG BENG, DEWA ANOM PANDE HANA MARENG MANGGIS, SILIH SINUNGGIL ANAK IRA DEWA ANOM PANDE MANGARAN DEWA AYU GEDONG YEKI INAMET DENING DALEM SAGENING MATANGYAN HANA SIRA DEWA MANGGIS KUNING.

ANAK ANAKING DEWA PANDE :

DEWA TEMESI, DEWA PUTU TUSAN, DEWA LAMPIJEH, DEWA AYU TUSAN, DEWA AYU GEDONG, DEWA AYU TEMESI.

MANGKE WARNANEM SIRA DEWA ANOM MANGGIS, ANAKIRA DALEM SEGENING, APAM MAUTAMA YA TA KARANANIA INEMBAN DENING SIRA ARYA TEGEH KORI, APAN HANA CIHNA UTAMA MARENG SIWADWARANIA, PINAKA CIHNA SIRA DEWA ANOM MANGGIS RIWEKASAN MENADI RATU UTAMA, MATANGYAN SAMUA ANGIRIANGKEN SIRA DEWA ANOM MANGUNGSI JAGAT BADUNG. TADANANTARA PRAPTA HANENG BANDANA PURA/BADUNG, KUNANG PANGIRING SAKING GELGEL MUAH MANGGIS MAWALI MARENG UNGGUANIA SOWANG-SOANG, YAN PIRA KUNANG LAWAS IKANG KALA HANA BHISMAN DALEM SAKENG GELGEL LAMAKANE SAMUA KULAWARGA MUAH SANAK DALEM MAWALI MARENG GELGEL, YA MATANGNYA MAKADI DEWA HANENG GELGEL KATEKENG MANGKE, DEWA KALER HANENG KAMASAN, KUNANG DEWA LANPIJEH HANENG MANGGIS, TATAN PARENG MANGUNGSI GELGEL APAN SIRA PINAKA ADIPATI MARENG MANGGIS.

YAN MAPA KARANIA, MUAH KALIYUGA ANGLIMBAK, TADANANTRA PUTRAN DALEM HANENG BADUNG PINAGUTAN DENING SIRA ARYA TEGEH KORI, APAN KAHAYUNAN SIRA DEWA ANOM MAKARDI PARA WONG STRI LULUT RI SIRA, JUGA STRINIRA KYIAI TEGEH KORI KALULUTAN SMARA DENING DEWA ANOM. MATNGYAN KRODA SIRA KRYAN TEGEH KORI ANGEBUG KENTONGAN, ANGREJEK SIRA DEWA ANOM, MATANGYAN SIRA DEWA ANOM TINULUNG DENING POARA DAGANG SIDA MANGUNGSI AMURWA PAPARENG SIRA GUSTI PINATIH, JUGA SIRA MAWRAH WARAH LAMAKANE TATAN MAGUTI SIRA KRYAN TEGEH KORI APAN KWEH WADUANIRA. MATANGNYAN SIRA MANGUNGSI INIRING DENING SIRA GUSTI PINATIH, APAN BHAKTINIRA MATANGYAN INAMET STRI ANAKIRA PINATIH MANGARAN I GUSTI AYU PAHANG. LAMAKANE PAPARENG ANATAKI PANAS TIS SAJERONING PANGUNGSIAN.

YAN PIRA KUNANG LAWAS IKANG KALA, WINERUHAKEN DENING KRYAN TEGH KORI, YA TA MATANGYAN SIRA TEGEH KORI SAYAGA MANGEPUNG LAWAN PADA WADWANIRA, AMBEKIRA JUGA KINAWERUHAN DENING GUSTI PINATIH, MATANGYAN JUGA AMUWUS RISIRA DEWA ANOM LAMAKANE SIDA WASWAS. YA TA KARANA SIRA DEWA ANOM PINARAHAKEN LAMAKANE MANGUNGSI MARENG TELENGING ALAS LAWAN STRINIRA GUSTI AYU PAHANG. JUGA INIRING DENING PARIWARANIRA MANGARAN NI LUH CRANCAM. YAN MAKUDANG DEWA WUS PINARAN DENING DEWA ANOM, MAKADI BLAHBATUH, WEKASAN PRAPTA MARENG DESA BUBAT, NGKANA SIRA JENEK APAN STRINIRA GUSTI AYU PAHANG MANGREMPINI SAHA BOBOT, TANDUGI HANA UTUSAN SAKING GUSTI PINATIH ANGATURAKEN PANGAN, JUGA HANA PAWARAH-WARAH SAKING SIRA PINATIH LAMAKANE DEWA ANOM MANGUNGSI MARENG WETAN, MARENG ALAS BENGKEL, NGKANA SIRA MATEMU LAWAN SIRA KI DUKUH PATALASAN/KELADI, SILIH SINUNGGIL WADWANIRA INUTUS LAMAKANE UMATUR MARENG MANGGIS INGGIHAN KAHANANIRA MARENG PANGUNGSIAN. APAN SAYANG SIRA RI PUTUNIRA YA KARANA SIRA DEWA ANOM PANDE MARENG MANGGIS SUNGSUT RI HREDAYA, JUGA SIRA DEWA LAMPIJEH PINAKAENG PAMANIRA DEWA ANOM JUGA MANGEN-ANGEN RI HYUNIRA. MAHYUN AMEJAHAKAEN SIRA KRYAN TEGEH KORI MARENG BADUNG, YA JUGA SIANUT DENING DEWA ANOM PANDEA AJINIRA LAMAKANE ANGANTIAKENGALAH AYU. ‘UDUH ANAKKU, AYWA KITA GAGESONAN, APAN MAPA YA PIKOLEH  NGHULUN AMAGUTI, APAN KWEHING WADWA SIRA KRYAN TEGEH KORI, AWAY KITA MANGKANA APAN KADI BALING MANGUNGSI GNI UPAMANIA. MANGKANA WARAH SIRA DEWA ANOM PANDE RIANAKIRA DEW LANPIJEH. MANGKE LAH PUPULAKENA SAMUA KULAWARGA GEDONG ARTHA, MUAH HANAENG GELGEL PURI, LAHAKENA RURUH RUMUHUN PONAKANTA, PUTUNING NGHULUN SIRA DEWA ANOM/MANGGIS KUNING. HANA DEWA PUTU KAPAL, DEWA WATUAYA, DEWA MENGWI, DEWA PASEKAN, DEWA BUDI, DEWA TIANYAR, HANA MARENG TABANAN, MANGULATI DEWA ANOM, JUGA HANA MANGRUWUH HANENG MENGWI, BRINGKIT, MAMBAL, YAN PIRA KUNANG LAWAS IKANG KALA, LIWAT DENING ASASIH JUGA TATAN KATEMU SIRA DEWA ANOM, MATANGYAN MAWALI MARENG GENAH SOWANG-SOWANG.

YAN PARA KUNANG LAWAS IKANG KALA DEWA ANOM HANA MARENG ALAS BENGKEL, LAMAKANE SIDA RAHAYU MATANGYAN SIRA MANGARAN : DEWA MANGGIS KUNING, JUGA INUGRAHAKEN DENING YAYAH IRA DALEM SEGENING, TATAN HANA WERUH RISIRA, JUGA TATAN SEP SIRA ANGELAR PANGASTAWAN RI SIRA HYANG WIDHI WASA, YA JUGA MATANGYAN ANUGRAHA SIRA PAPARENG LAWAN STRINIRA MATANGYAN METU ANAKIRA MANGARAN : DEWA PAHANG. APAN MAWIT SAKING IBUNIRA GUSTI AYU PAHANG, LAMAKANE MENGET RI KAWITANIRA MATANGYAN MANGARAN DEWA PAHANG. JUGA SIRA MANGARAN DEWA GIANYAR APAN MAWIT SAKING YAYAHIRA PINAKENG RATUNING GRYA ANYAR (GIANYAR). PARAEK RI PURA TUGU NGARANYA, MATANGYAN KADI KEDAUT HYUN PARA WADWA SATUNGGIL RAHINA HANA DATENG MAMAREK RI SIRA DEWA ANOM/MANGGIS KUNING, APAN NYIHNANYANG BHAKTINIRA.

MUWAH CARITANEN SANANIRA HANENG BULELENG/DEN BUKIT SIRA KI BARAK PANJI, MAWUWUS RI SIRA DALEM MARENG GELGEL TAN HANA SIH RI SIRA MATANGYAN MAHYUN AMAGUTI SIRA DALEM MARENG GELGEL. MATANGYAN SIRA DALEM SEGENING ANUDUHAKEN PARA WADWA METU AMAGUTI SIRA BAPAK PANJI, HANA PATIH KYAI AGUNG MANGINTE, WUS SAYAGA PAPARENG LAWAN WADWANIRA, PAPERANGAN PRAPTA MARENG JAGAT TOHPATI, YAN PIRA KUNANG PARA WADWA PEJAH, MATANGYAN KARENGWA DENING WADWA ALAS BENGKEL, APAN MENGET RI SIRA YAYAH DALEM PINERANG DENING KYAI BARAK PANJI, MATANGYAN SAYAGA PARA WADWA BENGKEL ATULUNG SIH RI DALEM.YA TAH MATANGYAN SIRA DEWA ANOM AMAGUTI WONG PANJI DEN  BUKIT SAMUA, KASOR DENIRA, MALAYU WADWANIRA PANJI SAKTI, TADANANTRA KARENGWA DENING DALEM APAN HANA WANG ATULUNG SIH SAKING ALAS BENGKEL RI WADWANIRA, MATANGYAN SIRA ANGUTUSAKEN, LAMAKANE SIRA DATENG MAMAREK RI DALEM, RIKALA SIRA DEWA ANOM AMAREK KAGIAT SIRA DALEM MANGAKSI ANAKIRA : DEWA ANOM ATEHER MAWUWUS :

“UDUH ANAKKU KITA AWAY KITA, MANGEDOH, PAREK KITA LAWAN AKU, BAGIA KADI NGHULUN MANGATONANG KADI KITA, APAN KARENGWA DENKU KITA PINERANG DENING KYAI TEGEH KORI, WUS PEJAH KAIDEP DENKUL, NANAK, KADI ANGAMET AMERTA SANJIWANI NGHULUN MANGKE, APAN KITA SIDA MAURIP JUGA ATULUNG SIH RI BAPANTA. NANAK YAN KITA WENANG LAHAKENA MAWALI MARENG GELGEL PURI PAPARENG LAWAN BAPA”.

MASAUR SIRA DEWA ANOM, “AKSAMAKNA NGHULUN, APAN WUS BAGIA KADI NGHULUN HANENG MARENG ALAS BENGKEL, YA TA MATANGYAN SIRA ANUGRAHA WADWA 60 DIRI JUGA SANJATA KERIS PINAKA TRESNA ASIH DALEM RIANAKIRA WUS AMRAJAYA MUSUH SAKENG DEN BUKIT, JUGA PAMANIRA : DEWA BASANG TAMYANG, LAWAN KAKINIRA DEWA TIMBUL GUNUNG PAPARENG MENGEMBAN SIRA DEWA ANOM HANENG BENGKEL, APAN TINITAH DENING DALEM. HANA SANJATA ANUGRAHA DENING DALEM : KERIS KISAMPANA, TOMBAK : KI PANUJU, JUGA WADWA MANGARAN KI MRANGGI PAPARENG LAWAN DEWA TIMBUL GUNUNG ANGIRIANGKEN DEWA ANOM HANA MARENG BENGKEL. WARNANEN MUWAH SIRA PANJI SAKTI, WUS ALAH DENING DEWA ANOM HANENG BENGKEL, MATANGYAN MAHYUN-HYUN, SIAPA NGARAN WONG NGKANA, YAN PIRANG WARSA LINTANG SIRA PANJI SAKTI MUAH MAHYUN ANGEBUG IKANG RAT BENGKEL, SASUMBAR TATAN KIRANG ADAUH, SIDA AMEJAHAKEN WONG BENGKEL. MALAYU PARA WADUWA BENGKEL APAN NADAK PINERANG DENING WADWANIRA PANJI SAKTI, YANG PIRA KWEHYA PEJAH TATAN WINILANGAN, MATANGYAN KRODA SIRA DEWA ANOM LAWAN KAKIANGIRA, MUAH PAMANIRA DEWA TIMBULGUNUNG, DEWA BASANG TAMYANG, ANGAWA TOMBAK, MUAH KERIS ANUGRAHA DENING DALEM, YA TONEN DENING SIRA KI BARAK PANJI, APAN MAKWEH JUGA PEJAH WADWANIRA, RIKALA ANGKANA SIRA KI PANJI NGADEG RISELAKANING IKANG GAJAH, MAGUTI DEWA ANOM, RIKALA SIRA GAJAH ANUNDUK AMANGAN IKANG KACANG DAWA, NGKANA SIRAD EWA ANOM ANGLEPASAKEN TOMBAKIRA, MATANGYAN PEJAH GAJAHIRA PANJI SAKTI, MATANGYAN HANA SUBAK KACANG BEDOL KATEKENG MANGKE, JUGA GENTAN IKANG GAJAH WINAWA MARENG PURI BENGKEL PINAKA GENTA TABUHAN. YA TA MATANGYAN KATEKANG MANGKE HANA MARENG GRYA ANYAR SIRA DEWA ANOM/MANGGIS KUNING INIRING DENING WADWANIRA KABEH.

JENEK SIRA DEWA ANOM/DEWA MANGGIS KUNING MARENG DESA BENGKEL/DESA BENG MANGKE. HANA ANAKIRA DEWA ANOM : MASTRI LAWAN ANAKIRA PINATIH GUSTI AYU PAHANG MANGARAN DEWA PAHANG/SRI AJI MANGGIS KUNING.

SRI AJI MANGGIS/DEWA PAHANG MASTRI LAWAN SATRIA BENG MAKANAK : SRI AJI MANGGIS BENG, HANA STRINIRA SAKING ARYA PINATIH TULIKUP, MAKANAK :

1.    DEWA MADE PINATIH

2.    DEWA NYOMAN PINATIH

3.    DEWA KETUT PINATIH, 

STRINIRA SAKING PANAWING MAKANAK : DEWA GEDE KESIMAN.

SRI AJI MANGGIS BENGKEL MASTRI LAWAN PUTRANIRA SATRIA BANGLI PUTRAN DEWA BANCINGAH MAKANAK : DEWA SRI AJI MANGGIS (LEBAR RING SUKAAWATI).

DEWA SRI AJI MANGGIS MASTRI LAWAN SIRA PUTRANIRA IDA SRI AJI PATEMON MANGARAN DEWA AYU RAI MUTER.

STRI SAKING KENDRAN (PUTRAN DEWA BANCINGAH) MAKANAK : DEWA SRI AJI MANGGIS DIMADE.

MASTRI MANGKE LAWAN SATRIA SAMPRANGAN MAKANAK : DEWA AJI MANGGIS RANGKI.

DEWA AJI MANGGIS RANGKI NGAMBIL RABI MARENG PURI HANA ANAKIRA : DEWA RAI LAN SANG AYU TEGAL BESAR.

JUGA HANA STRINIRA DEWA AJIMANGGIS DIMADE SAKING PASEK : MAKANAK :

DEWA MADE OKA, DEWA MADE RAKA (BANJARANGKAN).

SRI AJI MANGGIS DEWATA RING SATRIA. HANA STRINIRA SAKING PEJENG MADE OKA DEWA KE SIANGAN.

RABINE SAKING DESAK BR. SANGGING MADWE PUTRA : DEWA PAHANG.

DEWA GDE OKA, MAIBU SAKING SUDRA/PASEK.

DEWA GDE RAI, MAIBU SAKING NEGARA.

DEWA NGURAH AGUNG 9MAIBU SAKING PEJENG), DEWA AYU OKA (MAIBU SAKING PEJENG).

DEWA AYU MUTER (MAIBU SAKING GENTONG)

DEWA PAHANG NGAMBIL RANI RING UBUD, NYALIAN, BUNUTIN, PASEK BANJAR  SANGGING.

PUTRAN PUTRANIRA DEWA PAHANG :

DEWA AYU MAYUN

DEWA AYU OKA

DEWA AYU RAI

DEWA GEDE AGUNG

DEWA GEDE RAI MAPUTRA : DEWA AYU OKA, LAWAN SIRA DEWA AYU RAI

HANA SANAKIRA DEWA RAKA (BR. ANGKAN) STRI TATIGA :

DEWA AYU LAWA (MARABIAN KE PELIATAN), DEWA AYU GULA, (MERABIAN KE TULIKUP). DEWA AYU (DEWA KANTUN ANOM).

HANA SANAKIRA DEWA AJI MANGGIS MANGARAN : SRI AJI MANGGIS

JOROG MASTRI LAWAN SANG AYU BENG MAKANAK : DEWA MREGAN.

HANA STRI SAKING PENAWING MAKANAK : DEWA MADE WANASARI,

DEWA NYOMAN WANASARI (BENG) HANA JUGA STRI SAKING PENEMBAR :

DEWA MADE RAI MUAH DEWA KETUTOKA.

DEWA NYOMAN WANASARI MAPUTRA :

DEWA KUKUH KARANG, (PUTRANE ISTRI)

DEWA NYOMAN KARANG MAKANAK :

• DEWA GEDE BENG
• DEWA PUTU KOMPIANG
• DEWA NYOMAN DANGIN (SAMPRANGAN)
• DEWA GEDE MRANGGI (PEGESANGAN)
• DEWA KT. ALIT  (TEGAL BESAR)

DEWA GDE BENG MAKANAK :

• DEWA GDE RAI CACAH
• DEWA GDE KAYUN
• DEWA GDE RUNCUNG
• DEWA GDE GODOG
• DEWA GDE GEDEG (MAKUNTANG)

DEWA GDE RAI CACAH

MADWE RABI KEKALIH, DESAK GONDOK LAN DEASAK MADE RESI

DEWA GDE RUNCUNG MAKANAK SAPTANG DIRI :

• DEWA PUTU RAOS
• DEWA MADE TUTUR
• DEWANYOMAN KANDA
• DEWA KT. KENCE
• DEWA PUTU WIKAN
• DEWA MADE CENIK
• DESAK NYOMAN CENIK

PUTRAN DEWA KUKUH KARANG :

DEWA NYOMAN DAGING NGAMBIL RABI KE BENG

MAPUTRA :

• DEWA GDE AMBUAK
• DEWA KREBUAK
• DEWA CABAK
• DEWA KETUT DANGIN

SAMI KESAH KE PEJENG NYARENGIN COKORDA RING PURI PEJENG RISAMPUNE MANGINGSIR KASELEDI OLIH PUTRANE SANE MAPARAB DEWA KT. DANGIN.

DEWA GDE AMBRUAK SEDANE KENI JEMPARING DUK MAYUDA RING SEMANA.

DEWA KETUT DANGIN NAENIN KETAKENIN INDK GONG DUKE DADOS MANCA, DWANING TAN WENTEN GONG DADOS REBAT SARENG COKORDE PEJENG MAWINAN MEWALI KE BENG, SAHA COKORDA BANGET DUKA PIKAYUNANE MARSA PACANG NYEDAYANG DEWA KETUT DANGIN, INDIKE PUNIKI SAMPUN KAUNINGIN OLIH SIRA DEWA KETUT DANGIN, MAWINAN KANDIKAYANG SAMETONANE SAMI MANGDA KESAH SAKING PEJENG NYUJUR JAGAT BENG.

KASARENGIN OLIH PAREKAN SAYANG MAWASTA : LAGAS.

SARENG PIANAK IPUN :

• KAMPIH
• TIMBLAG
• TATAK

TAN ASUWE RING SAMPRANGAN RARIS DEWA KETUT DANGIN NYUJUR PURI GIANYAR NUNAS LUNGSURAN RING SRI AJI MANGGIS, APAN SIRA DEWA KETUT DANGIN SIDA ANGATURANG TAMBA RING SRI AJI MANGGIS YA TA MATANGYAN SIRA MAWEH LAMAKANE SIDA AMANCA DESA SELAT, BUKIT JANGKRIK, BUKIT BATU, SAMPRANGAN. SRI AJI MANGGIS KAPENDAK SAKING SATRIA KESARENGIN WADUA GIANYAR NYUJUR KLUNGKUNG. HANA PUTRANIRA DEWA KETUT DANGIN : MANGARAN DEWA RAI CENOG, DEWA MADE GIET, DEWA PUTU KEBIENG, DEWA KETUT DANGIN (MEMANCA RING NAGLI DADOS SEDAAN). DEWA KETUT DANGIN MAPUTRA DEWA MADE DANGIN. RI UWUS UPACARA PALEBON, PUTRA SIRA SRI AJI MANGGIS MUAH MEWALI SAKING KLUNGKUNG NYUJUR PURI GIANYAR. DEWA KETUT DANGIN NGATURANG RAYUNAN DWANING NGANTOSANG RING PURA TUGU. DWANING WENTEN PIKOBETRINGD ESA SELAT, BUKIT JANGKRIK, BUKIT BATU, DESA SAMPRANGAN PINERANG SAKING BANGLI, MATANGYAN PINUPULAN PARA WADWA SAMI TATAN ASUWE MANGEBUG PARA WADWA, JUGA PAPARENG DESA BLAHBATUH. DEWA DIGAGA PEJAH MARENG TUKAD SANGSANG. DEWA GDE DANGIN PEJAH DENING BEDIL. PUTRAN DEWA GDE DANGIN MAPUSPATA DEWA RAI CANTING JUGA PEJAH DENING BEDIL.

RIUWUS IKANG YUDHA KAPRAJAYA DENING GIANYAR, MATANGYAN DESA SIDAN MAMANJAK MARENG GIANYAR KATKENG MANGKE. APAN UWUS KAWASA IKANG BANGLI. PARENG LAWAN GIANYAR ANGEBUG JAGAT KLUNGKUNG, MANGARAN AA RAI SAKENG PURI BANGLI, LAMAKNE SIDA NGAJEGANG WAWIDANGAN SAMPRANGAN, TEGAL BESAR KEBONGKOLIN OLIH BLAHBATUH RING GUNUNG RATA, MATANGYAN AKWEH KASENGSARAN MARENG JERO KELODAN SIDAN DENING KAREBUT, TALER DUK PUNIKA DEWA DULU SEDA MAYUDA.

MANGKE MUAH CARITANEN PRATISENTANAN DEWA NYOMAN DANGIN

• DEWA GDE AMBUAK HANA MARENG KAJA KANGIN
• DEWA KREBUAK HANA MARENG DAUH NATARAN
• DEWA NYOMAN CABAK HANA MARENG KELOD KAUH
• DEWA KETUT DANGIN MARENG JEROAN

DEWA AMBUAK HANA ANAKIRA :

• DEWA KOMPYANG
• DEWA RAI CANTING JENEK MARING DAJAN NATARAN.

DEWA MADE KREBUAK MASTRI DESAK SAKING BENG MAKANAK :

• DEWA MADE MUTER
• DEWA KETUT MINGSER HANA MARING DAUH NATARAN
• DEWA KETUT KEBIENG MAGENAH MARING DAJA DAUH NATARAN.
• DEWA NYOMAN DADAB
• DEWA KETUT CENIK
• DEWA MADE TILES KESAH MARING LORING NATARAN.

DEWA NYOMAN CABAK HANA  PUTRANIRA MANGARAN :

• DEWA PUTU GIUR
• DEWA MADE GIET
• DEWA NYOMAN KEMUL
• DEWA KETUT NGURAH (SIANGAN)
• DESAK KENUL
• DESAK MADE GLONDOK

DEWA KETUT DANGIN MASTRI LAWAN DESAK ALIT SEMEBAUNG

• DEWA DANGIN
• DEWA MADE RAI CENOG (MARENG SELAT)
• DEWA NYOMAN SAYANG MAGENAH DELOD DANGIN
• DEWA KETUT RAI GUNJING MAGENAH DANGIN JEROAN DEWA GEDE ALIT. DEWA GEDE ALIT HANA MARING DLOD DANGIN JEROAN
• DEWA KETUT MAGNAH DELOD DANGIN
• DEWA KETUT TEKIK MAGNAH DANGIN
• DESAK MADE LEMBUR MARABIAN KE DAJAN NATARAN.

DEWA KETUT DANGIN SAKING STRINIRA PANAWING SAKING DESA PATEMON MAKANAK :

·         DESAK PUTU KLENIK

·         DEWA MADE BUBAT MAGNAH MARENG DANGIN JEROAN.

YEKI JUGA WENANG WERUHAKENA IKANG SANNYASA MANGGIS MATAMPUK CATUR MAKATIK SASIKI.

MANGGIS PINAKA PANGELING PINAKA SENTANAN SAKING LELUHUR SIRA

DALEM MANGGIS DEWA ANOM/DEWA MANGGIS KUNING

KATIK ASIKI PIKENOHNYA KESAH SAKING ASIKI ALA BENG

TAPUK CATUR, PUTRAN IDANE WANTAH MAKATAH PETANG DIRI

YATA PINAKA CIRI SATRIA DALEM MANGGIS SAMPRANGAN.

AYUWA KITA LUPA ANGATURAKEN SEMBAH BAKTI, APAN ILA-ILA YAN KITA TATAN MANGET RI KALANGITA, MAKADI :

PURA DALEM SAMPRANGAN, BESAKIH, MUAH DADIA, PAIBONTA SOWANG-SOWANG.

MANGKANA BHISMANIRA DALEM.

OM SHANTI, SHANTI, SHANTI, OM.